رواية شيقة للكاتبة موروو مصطفي
المحتويات
منا وخرجوا سويا وجرت لمياء وركبت السيارة من الخلف ونظرت لجميلة
لمياء سوري ياجوجو عايزة ارفع رجلي مش قادرة اقعدي انتي ادام فنظرت لها جميلة بغيظ
جميلة ماشي ياست لمياء وركبت جميلة بجوار جاسر ومر خمس دقائق فقط ومالت رأس جميلة بعد ان ذهبت في النوم علي كتف جاسر الذي ما ان شعر برأسها علي كتفه حتي نظر للمياء التي ابتسمت وهمست له
جاسر جوجو حبيبي فتحي عيونك وصلنا يالا يا قلبي كان يهمس لها برقة وشعر بها تتململ وتحرك وجهها في كتفه فشعر بدقات قلبه تشتعل فاجلي صوته قليلا وناداها بصوت اعلي جميلة اصحي ياله وصلنا ففتحت عيونها ووجدت نفسها تستند علي كتفه ففزعت وتحركت سريعا فشعرت بدوار فامسك يدها سريعا بالراحة ياجميلة انتي كنتي نايمة اصبري فوقي الأول فنظرت خلفها فوجدت لمياء مغمضة العين ايضا شكلكم كان تعبان علشان كده اول ماركبنا العربيه نمتم فاحمر وجهها
جاسر ولا يهمك أنا اسندك العمر ياجوجو ثم اجلي صوته ونادي على لمياء التي قامت بفتح عيناها ونظرت لهم
لمياء هو احنا وصلنا خلاص الحمدلله انا عايزة السرير
جميلة ومين سمعك فضحك جاسر عليهم
جاسر خلاص خليكم مرتاحين بكرة بلاش تنزلوا الشركة وارتاحوا بكرة
جاسر يالا اطلعوا ادامي اصلا الحاج والحاجة ناموا خلاص احنا النهاردة اتاخرنا فعلا
جميلة بس انجزنا الحمدلله وخلصنا كل حاجة
لمياء اه الحمدلله تسلم ايدك ياجوجو وتسلم لي ياجسور مانحرمش منكم ابدا فقبل جاسر رأسها
جاسر ربنا يسعدك ياحبيبتي يالا كل واحدة على اوضتها تصبحوا علي خير
لمياء وانت من اهله
كانت هناك فتاة اخري تجلس في بلكونة غرفتها وتنظر الي البحر وبجوارها أمها
سعاد مالك يافيري سرحانة في ايه
فريدة ابدا ياماما جميلة ولمياء وحشوني أنا مش عارفة ح ابعد عنهم ازاي بعد كده فابتسمت لها أمها
سعاد وتبعدي ليه حبيبتي ان شاء الله تزوريهم ويزوروكي
سعاد بصراحة هما فعلا يتحبوا انا كمان اتعلقت بيهم وبالست رباب كلهم بصراحة ناس طيبين ربنا يديم بينا المعرفة والصداقة الحلوة دي
فريدة يارب يا ماما يارب المفروض ان فرح لمياء وأحمد قريب ح نروح ياماما
سعاد طبعا ياحبيبتي لو عزمونا ح نروح لهم اكيد ففرحت فريدة وقبلت أمها بحب
سعاد حبيبتي ربنا يسعدك ويسعدهم
استيقظت جميلة من نومها واخذت تفرد ذراعيها وهي تتثائب ونظرت
في الساعة فوجدتها العاشرة فقامت فزعة من فراشها وارتدت إسدال صلاتها وخرجت جري لغرفة لمياء وفتحت الباب فوجدتها نائمة فحاولت ايقاظها
جميلة لمياء لولو يا لولو قومي يابنتي الساعه ١٠ اتأخرنا قوي ففتحت لمياء عيناها بالعافية و نظرت لها
لمياء أنا مش قادرة اتحرك مش ح اروح مش جاسر قال خليكم مرتاحين النهاردة
جميلة ايوه بس انتي عارفة ان في حاجات لازم نخلصها خصوصا اننا الاسبوع الجاي كله مش ح نروح بقي خلاص
لمياء والله ماقادرة اتحرك من مكاني انا عايزة انااااااااام
جميلة اوووووووف منك كسولة دب باندا ففتحت لمياء عيونها مرة اخري ونظرت لها
لمياء دب باندا دب قطبي مش مهم تصبحي علي خير واعطتها ظهرها ونامت وخرجت جميلة وذهبت الي غرفتها واخذت دش وارتدت ثيابها وهبطت للاسفل فوجدت عمها علي الباب في طريقه للخروج وبجواره رباب فنظروا لها وابتسموا لها
عبدالحميد صباح الخير يابتي لابسه اكده و رايحة علي فين فاقتربت جميلة منه وقبلت يده ويد رباب
جميلة صباح الفل والورد والياسمين ابدا هو جاسر مشي طبعا
رباب اه ياحبيبتي هو جالي انكم مش ح تروحوا النهاردة علشان تعبتم امبارح ورجعتم وخري انتي صحيتي ليه دلوك
جميلة عندنا شغل كتير يا أمي لازم يخلص علشان أحنا السبوع الجاي مش ح نروح بجي خلاص لغاية فرح لولو حاولت اصحي لمياء بس مافيش فايدة جتيلة ح اروح علشان انجز شوية
عبدالحميد يابتي خليكي مرتاحة شكلك تعبان
جميلة لاه يابوي ماينفعش ممكن حضرتك تبعت معايا السواج يوصلني للشركة اني مش عايزة اسوج فضمھا عبد الحميد لصدره مقبلا رأسها
عبدالحميد تعالي يابتي اني ح اوصلك في طريجي بس الاول اجعدي كلي لجمة الاول وبعدين نروح
جميلة لاه يابوي ماليش نفس احنا عشية كلنا واخري لو جعت ح ابجي اكل في الشغل مع جاسر وأحمد عن اذنك يا امي ومعلش ابجي طلي علي لمياء كمان شوية يا امي وخليها تصحي تشرب كوبايه حليب وتفطر وتنام تاني احسن حضرتك عارفة لو سبتيها ح تنام للعصاري فضحكت رباب
رباب عندك حج يابتي البت دي خم نوم ماعرفش طلعة لمين وضحكوا سويا يالا اتوكلوا انتم علي الله وانتي ياجميلة ماتنسيش نفسك يابتي وكلي لك حاجة فاهمة
جميلة حاضر يا امي عن اذنك ح اسبج اني يا بوي وتركتهم لانها تعلم ان عبدالحميد يحب ان يودع رباب قبل ان يتركها
رباب مع السلامه يابتي
وذهب لها عبد الحميد وركب بجوارها السيارة وامر السائق بالذهاب اولا الي شركة ولده
عبدالحميد جميلة يابتي كلمتي جاسر جلتي له انك رايحة الشغل دلوك
جميلة كلمته بس تليفونه مجفول كلمت أحمد وجلت له يبلغه
عبد الحميد طيب يابتي المهم خدي بالك من نفسك وافطري سامعه بلاش تنسي حالك فابتسمت له جميلة ورفعت يده وقبلتها بحب
جميلة حاضر يابويا ماتخافش عليا بتك شاديدة جوي فضحك
عبدالحميد عارف انها شاديدة جوي جوي كمان ربنا يحميكي ياجلب بوكي يالا وصلنا انزل معاكي لغايه فوج فابتسمت له
جميلة لاه يابوي اني ح اطلع دوغري علي مكتب جاسر
عبدالحميد ماشي يابتي لا اله الا الله
جميلة محمد رسول الله يابوي
وتركت جميلة عمها وصعدت درجات الشركة الاولي حتي الاسانسير وانتظرته حتي جاء وجاءت لتركب وفجاءه وجدت المهندس حسام يدخل معها فخرجت فورا من الاسانسير فنظر لها حسام بخبث
حسام خير ياجميلة خرجتي ليه فنظرت له پغضب
جميلة اولا ياباشمهندس انا مش بحب رفع الالجاب اسمي المهندسة جميلة ثانيا ماينفعش اركب مع حضرتك الاسانسير واحنا لحالنا اكده فتهكم عليها ساخرا
حسام طيب ما انتي بتركبي مع جاسر لوحدكم ولا هو ينفع واحنا لا يا... باشمهندسة فنظرت له ووجهها يحمر ڠضبا
جميلة اني مش ح ارد عليك دلوك مش علشان اني ماعنديش رد لاه علشان اني اهلي ربوني زين واعرف ان ليا كبير يرد عليك هو ويعرفك حدودك فين دلوك اتفضل اطلع ولا شوف ح تعمل ايه عاد فدخل حسام وضغط علي الاسانسير للصعود وهو يشتعل ڠضبا من تلك الفتاة التى ردت عليه بهذه الطريقة وايضا كان خائڤا ان يعرف جاسر ماحدث فصعد الي الاعلي الي مكتبه وسئل عليه فعرف انه غير موجود بالمكتب وتخيل انه ذهب الي الموقع الذي يعملون به الان فابتسم
متابعة القراءة
